திருக்குறள் வழி நின்று திருவள்ளுவரை அறிதல்- 15 நீர் மேலாண்மையில் வள்ளுவர்:

                             திருக்குறள் வழி நின்று திருவள்ளுவரை அறிதல்- 15

நீர் மேலாண்மையில் வள்ளுவர்:

விண்இன்று பொய்ப்பின் விரிநீர் வியனுலகத்து

உள்நின்று உடற்றும் பசி -13 என்று திருக்குறளில் திருவள்ளுவர் மழையானது பெய்கின்ற காலத்தில் பெய்யாது, பொய்த்துப் போகும் என்றால், கடல் நீரால் சூழ்ந்துள்ள இப்பரந்த உலகினுள் பசி நிலைபெற்று உயிர்களை வாட்டும் என்று குறிப்பிடுகிறார். அதாவது இந்த பரந்த உலகம் முழுமையும் கடலால் சூழப்பட்டாலும் மழையில்லையெனில் அதன் கொடுமை அதனை நேரடியாக விவசாயத்தில் பருவமழை தவறியதால் ஏற்பட்ட இழப்பினை சந்தித்தவரும், கோடையில் கொடும் வெயிலில் நீர் கிடைக்காமல் தவித்தவருக்கும் எளிதில் புரியும். கடந்த வாரம் கூட இப்படிபட்ட வறட்சியில் எல்லீசன் அவர்கள் கிணறு வெட்டியது கூடப் பார்த்தோம்!

மழைநீரானது நிலவளம், கடல்வளம், மக்களின் மனவளம் மற்றும் உலக ஒழுங்கு ஆகிய அனைத்திற்கும் முக்கியக் காரணமாக அமைகிறது என திருவள்ளுவர் உரைத்துள்ளார்.

உதாரணமாகக் குறிப்பிட வேண்டுமெனில் வாழ்க்கைத் துணைநலம் என்னும் அதிகாரத்தில் மழையினால் உலகம் எவ்வாறு நிலைபெறுகிறதோ அதேபோல் கற்புடைய பெண்களாலும் உலகம் நிலைபெறுகிறது என்பதை குறிக்கவே கணவனை மனதில் நினைத்து வணங்கி நித்திரையில் இருந்து எழும் கற்புடைய பெண் கணவன் மற்றும் அனைவரின் நலம் வேண்டிக் கடவுளை வழிபாடு செய்பவள். எல்லோரும் விரும்பியபோது பெய்த மழையாவாள் என்று குறிப்பிடுகிறார்.

தெய்வம் தொழாஅள் கொழுநற் றொழுதெழுவாள்

பெய்யெனப் பெய்யும் மழை – 55 என்ற குறளில் பெண்ணை உருவகமாகக் குறிப்பிட்டுள்ளார்.

அதேபோன்று, ஆட்சி அதிகாரமும் மழையினைப் போன்று காலத்தே சரியானதொரு சேவைகளையும், திட்டங்களையும், குடிமக்களை கவலையின்றியும் வைத்திருக்க வேண்டும் என்பதனை செங்கோன்மை அதிகாரத்தில் திருவள்ளுவர்கள் குறிப்பிடுகையில்,

வானோக்கி வாழும் உலகெல்லாம்; மன்னவன்

கோல்நோக்கி வாழுங் குடி- 542

உலகத்தின் உயிர்கள் அனைத்தும் மழைநீரையை எதிர்பார்த்துக் காத்திருக்கும் அதுபோன்று மன்னவனின் செங்கோலாட்சியை எதிர்பார்த்து குடிமக்கள் காத்திருப்பர் என்று செங்கோலாட்சி மழைநீர் அளவிற்கு முக்கியமானதாக அமைய வேண்டும் என்று ஆள்பவர்களுக்கு அறிவுரை பகர்கிறாh.

மேலும் ஒரு நாட்டிற்கு முக்கியமாக நல்ல அரணாக விளங்குவது பற்றிக் குறிப்பிடுகையில், அரண் என்னும் அதிகாரத்தில்:

மணிநீரும் மண்ணும் மலையும் அணிநிழற்

காடும் உடைய தரண் -742 என்று குறிப்பிடுகிறார். அதாவது மணிபோல் தெளிந்தநீரும், வெட்ட வெளியான நிலமும், மலையும், அழகிய நிழல் உடைய காடும் ஆகிய நான்கும் உள்ளதே ஒரு நாட்டிற்கு அரணாகும் என்றுக் குறிப்பிடுகிறார். நீரைத் தவிர்த்து நாட்டிற்கு அரண் எதுவும் இல்லை என்பது நாம் புரிந்து கொள்ள வேண்டும்.

 

1784 ஆம் ஆண்டு ஹென்றி கேவண்டிஷ் என்பவர் நீரானது இரண்டு ஹைட்ரஜனை ஆக்சிஜனுடன் எரித்து தண்ணீர் உருவாக்க முயற்சி செய்தார். ஆனால், அது எதிர்பார்த்த மாதிரி நிகழவில்லை. பிறகு, 1811 ஆம் ஆண்டு இத்தாலி நாட்டு இயற்பியலாலர் அமீடோ அவகாட்ரோ என்பவர் நீருக்கான சூத்திரத்தை வகுத்தார்.

மேற்கூறியவர்கள் நாம் கையாளும் நீரானாது எந்த வேதி வினைகளால் நடைபெறுகிறது என்பதை ஆய்வதில் தீவிரமாக இருந்து ஆய்வினை வெளியிட்டவர்கள். ஆனால், நமது அய்யன் திருவள்ளுவரோ அனைத்து உயிர்களுக்கும் வான்நீரே ஆதாரம் என்று தீர்க்கமாகக் கூறியுள்ளார்.

வான்சிறப்பின் முதல் இரண்டு குறட்பாக்களும் உணவும் நீரும் வழங்கும் மழையின் வள்ளண்மையினையும் மற்ற பாடல்கள்கள் மழையின்மையால் உலகில் ஏற்படும் மாறுபாடுகளையும் விளக்குகின்றன.

மழைநீரே சங்க இலக்கியங்களில் பின்வருமாறு குறிப்பிட்டுள்ள நீர் நிலைகளுக்கும் ஆதாரமாக உள்ளது.

சங்க இலக்கியங்களில் நீர் நிலைகளின் வகைகள் :

1.           அகழி (Moat) – கோட்டையின் புறத்தே அகழ்ந்தமைக்கப்பட்ட நீர் அரண்

2.           அருவி (Water falls)

3.           ஆழிக் கிணறு (Well in Sea-shore)

4.           ஆறு (River)

5.           இலஞ்சி (Reservoir for drinking and other purposes)

6.           உறை கிணறு (Ring well)

7.           ஊருணி (Drinking water tank)

8.           ஊற்று (Spring)

9.           ஏரி (irrigation Tank)

10.         ஓடை (Brook)

11.         கட்டுங்கிணக் கிணறு (Build-in Well)

12.         கடல் (Sea)

13.         கண்மாய் (Irrigation tank)

14.         கலிங்கு (Sluice with many Venturis)

15.         கால் (Channel)

16.         கால்வாய் (Supply channel to tank)

17.         குட்டம் (Large Pond)

18.         குட்டை (Small Pond)

19.         குண்டம் (Small Pool)

20.         குண்டு (Pool)

21.         குமிழி (Rock cut well)

22.         குமிழி ஊற்று (Artesian Fountain)

23.         குளம் (Bathing Tank)

24.         கூவம் (Abnormal Well)

25.         கூவல் (Hollow)

26.         வாளி (Stream)

27.         கேணி (Large Well)

28.         சிறை (Reservoir)

29.         சுனை (Mountain Pool)

30.         சேங்கை (Tank with Duck weed)

31.         தடம் (Beautifully constructed bathing tank)

32.         தளிக்குளம் (Tank surrounding a temple)

33.         தாங்கல் (Irrigation Tank)

34.         திருக்குளம் (Temple Tank)

35.         தெப்பக்குளம் (Temple tank inside pathway along  Parapet wall)

36.         தொடு கிணறு (Dig well)

37.         நடைகேணி (Large well wih steps on one side)

38.         நீராவி (Bigger tank with center Mantapam)

39.         பிள்ளைக் கிணறு (Well in middle of a tank)

40.         பொங்கு கிணறு (Well with bubling spring)

41.         பொய்கை (Lake)

42.         மடு (Deep place in a river)

43.         மடை (Small sluice with singleventuri)

44.         மதகு (Sluice with many venturis)

45.         மறு கால் (Surplus water channel)

46.         வலயம் (Round tank)

47.         வாய்க்கால் (Small water course)